Friday, June 24, 2022
HomeBusiness Newsಕರ್ನಾಟಕದಲ್ಲಿ ಗೋಡಂಬಿ ಉದ್ಯಮ ಪ್ರಾರಂಬಿಸುವುದು ಹೇಗೆ?

ಕರ್ನಾಟಕದಲ್ಲಿ ಗೋಡಂಬಿ ಉದ್ಯಮ ಪ್ರಾರಂಬಿಸುವುದು ಹೇಗೆ?

ಗೋಡಂಬಿ ಉದ್ಯಮ ಪ್ರಾರಂಬಿಸುವುದು ಹೇಗೆ?

 

  • ಗೋಡಂಬಿ ಉದ್ಯಮ ಪ್ರಾರಂಬಿಸುವುದು ಹೇಗೆ?
  • ಗೋಡಂಬಿಯನ್ನು ಎಲ್ಲಿ ಬೆಳೆಯಬಹುದು?
  • ಗೋಡಂಬಿ ಬೆಳೆಯನ್ನು ಕೃಷಿ ಮಾಡುವುದು ಹೇಗೆ?
  • ಮಣ್ಣು ಮತ್ತು ಹವಾಗುಣ ಹೇಗಿರಬೇಕು?
  • ಭೂಮಿಯ ಸಿದ್ಧತೆ ಮತ್ತು ನಾಟಿ?
  • ನೀರಾವರಿ ?
  •  ಮಣ್ಣು ಮತ್ತು ಹವಾಗುಣ
  • ಭೂಮಿಯ ಸಿದ್ಧತೆ ಮತ್ತು ನಾಟಿ
  • ಕರ್ನಾಟಕಕ್ಕೆ ಶಿಫಾರಸ್ಸು ಮಾಡಿರುವ ಗೋಡಂಬಿ ತಳಿಗಳು
  • ಗಿಡಗಳಿಗೆ ಆಕಾರ ಕೊಡುವುದು / ಸವರುವಿಕೆ

 

ಸಾಮಾನ್ಯವಾಗಿ ಕರಾವಳಿ ಹಾಗು ಮಲೆನಾಡು ಪ್ರದೇಶದಲ್ಲಿ ಬೆಳೆಯುವ ಗೇರು ಬೆಳೆ ಅಂದರೆ ಗೋಡಂಬಿಯನ್ನು ಶ್ರೀಮಂತ ಕೃಷಿ ಅಂತಾನೆ ಹೇಳಬಹುದು . ಗೋಡಂಬಿಗೆ ವರ್ಷದಿಂದ ವರ್ಷಕ್ಕೆ ಮಾರುಕಟ್ಟೆಯಲ್ಲಿ ತುಂಬಾನೇ ಡಿಮ್ಯಾಂಡ್ ಹೆಚ್ಚಾಗ್ತಾ ಇದೆ.

ಇಂತಹ ಬೆಳೆಯನ್ನು ಬೇರೆ ಬೇರೆ ಪ್ರದೇಶದಲ್ಲಿ ಮಣ್ಣಿನ ಗುಣವನ್ನು ಆದರಿಸಿ ಬೆಳೆಯಬಹುದು ಇದಕ್ಕೆ ಅಳವಡಿಸಿಕೊಳ್ಳಬಹುದುದಾದ ಸುಧಾರಿತ ತಾಂತ್ರಿಕತೆಗಳು ಯಾವುದು ಅಂತ ಈ ಲೇಖನದಲ್ಲಿ ನೀವು ಓದಬಹುದು. 

ಗೋಡಂಬಿಯು ಉಷ್ಣವಲಯದ ಒಂದು ಮುಖ್ಯವಾದ ಬೆಳೆ . ಇದು ರಫ್ತು ಗುಣಮಟ್ಟ ಹೊಂದಿರುವ ಮುಖ್ಯ ಬೆಳೆಯಾಗಿದ್ದು ರೂ . 2515 ಕೋಟಿ ಅಂದರೆ ಶೇ . 1.5 ರಷ್ಟು ಭಾರತದಿಂದ ರಫ್ತಾಗುವ ಬೆಳೆಗಳಲ್ಲಿ ಮೌಲ್ಯವನ್ನು ಹೊಂದಿದೆ . ಕಳೆದ 20 ವರ್ಷದಿಂದ ತೋಟಗಾರಿಕೆ ಬೆಳೆಗಳಲ್ಲಿ ಗೋಡಂಬಿಯು ತನ್ನ ಪ್ರಾಮುಖ್ಯತೆಯನ್ನು ಮೆರೆದಿದೆ . ಅಲ್ಲದೇ , ಭಾರತವು ವಿಶ್ವದಲ್ಲಿ ಗೋಡಂಬಿ ಬೆಳೆ ಉತ್ಪಾದನೆಯಲ್ಲಿ ಪ್ರಥಮ ಸ್ಥಾನ ಹೊಂದಿದೆ . ಮಹಾರಾಷ್ಟ್ರ , ಆಂಧ್ರಪ್ರದೇಶ , ಕರ್ನಾಟಕ , ಗುಜರಾತ್ , ಓರಿಸ್ಸಾ ಮತ್ತು ಪಶ್ಚಿಮ ಬಂಗಾಳ ರಾಜ್ಯಗಳು ಭಾರತದಲ್ಲಿ ಗೋಡಂಬಿ ಬೆಳೆಯುವ ಪ್ರಮುಖ ಪ್ರಮುಖ ರಾಜ್ಯಗಳಾಗಿ ಪ್ರಸಿದ್ಧಿಯನ್ನು ಹೊಂದಿವೆ . ಭಾರತದಲ್ಲಿ ಗೋಡಂಬಿ ಬೆಳೆಯುವ ಒಟ್ಟು ಪ್ರದೇಶ 10.55 ಲಕ್ಷ ಹೆಕ್ಟೇರ್‌ಗಳಿದ್ದು , ವರ್ಷಕ್ಕೆ 8.73 ವರ್ಷಕ್ಕೆ 8.73 ಲಕ್ಷ ಮೆಟ್ರಿಕ್ ಟನ್ ಗೋಡಂಬಿಯು ಉತ್ಪಾದನೆಗೊಳ್ಳುತ್ತಿದೆ . 

 ಮಣ್ಣು ಮತ್ತು ಹವಾಗುಣ :

ಗೋಡಂಬಿಯನ್ನು ಎಲ್ಲಾ ವಿಧದ ಮಣ್ಣಿನಲ್ಲಿ ಬೆಳೆಯಬಹುದಾದರೂ , ಚೆನ್ನಾಗಿ ನೀರು ಬಸಿದು ಹೋಗುವ ಕೆಂಪು ಗೋಡು , ಜಂಬಿಟ್ಟಿಗೆ ಮತ್ತು ಮಧ್ಯಮ ಕಪ್ಪು ಮಣ್ಣು ಸೂಕ್ತ . ಗೋಡಂಬಿಯನ್ನು ಬೆಳೆಯಲು ಸಮುದ್ರ ಮಟ್ಟದಿಂದ 1000 ಮೀ . ಎತ್ತರದ ಎಲ್ಲಾ ಪ್ರದೇಶಗಳು ಸೂಕ್ತ . ಈ ಬೆಳೆಯು 25 ಸೆ . ನಿಂದ 40 ಸೆ . ರಷ್ಟು ತಾಪಮಾನದವರೆಗೂ ಒಗ್ಗಿಕೊಳ್ಳುತ್ತದೆ . ಈ ಬೆಳೆಯು ಮಣ್ಣಿನಲ್ಲಿ ಕಡಿಮೆ ತೇವಾಂಶವಿದ್ದರೂ ಹೊಂದಿಕೊಂಡು ಬೆಳೆಯಬಲ್ಲದು . 

ಭೂಮಿಯ ಸಿದ್ಧತೆ ಮತ್ತು ನಾಟಿ:- 

ಹೊಸ ಗೋಡಂಬಿ ತೋಟವನ್ನು ನಿರ್ಮಿಸುವಾಗ ಭೂಮಿಯನ್ನು ಚೆನ್ನಾಗಿ ಉಳುಮೆ ಮಾಡಿ ಕಳೆಗಳನ್ನು ತೆಗೆದು ಹದಗೊಳಿಸಬೇಕು . ಇದನ್ನು ಮಳೆಗಾಲದ ಮುಂಚಿತವಾಗಿ ಅಂದರೆ ಏಪ್ರಿಲ್ – ಮೇ ತಿಂಗಳಿನಲ್ಲಿ ಕೈಗೊಳ್ಳಬೇಕು . ಭೂಮಿಯ ಸ್ಥಳಾಕೃತಿ , ಫಲವತ್ತತೆ ಮತ್ತು ಮಣ್ಣಿನ ವಿಧವನ್ನು ಆಧರಿಸಿ ಗೋಡಂಬಿಯನ್ನು ವಿವಿಧ ಆಕಾರ ವಿನ್ಯಾಸದಲ್ಲಿ ಬೆಳೆಸಬಹುದು . ಸಾಮಾನ್ಯವಾಗಿ ಚೌಕಾಕಾರ , ಆಯತಾಕಾರ ಮತ್ತು ತ್ರಿಕೋನಾಕಾರ ನಾಟಿ ಪದ್ಧತಿಗಳನ್ನು ಗೋಡಂಬಿಯಲ್ಲಿ ಅನುಸರಿಸುತ್ತಾರೆ .

1. ಚೌಕಾಕಾರ ನಾಟಿ ಪದ್ಧತಿ : ಇದರಲ್ಲಿ ಗಿಡಗಳ ಮತ್ತು ಸಾಲಿನ ಅಂತರ ಸಮಾನವಾಗಿರುತ್ತದೆ . ನಾಲ್ಕು ದಿಕ್ಕುಗಳಲ್ಲೂ ಬೆಳೆದ ಗಿಡಗಳ ಅಂತರವು ಸಮನಾಗಿರುತ್ತದೆ .

ಗೋಡಂಬಿ ಉದ್ಯಮ ಪ್ರಾರಂಬಿಸುವುದು ಹೇಗೆ?

2. ಆಯತಾಕಾರ ನಾಟಿ ಪದ್ಧತಿ :

ಈ ಪದ್ಧತಿಯಲ್ಲಿ ಸಾಲು ಮತ್ತು ಗಿಡಗಳ ಅಂತರ ಸಮನಾಗಿರುವುದಿಲ್ಲ . ಗಿಡಗಳನ್ನು ಆಯಾತಾಕಾರದಲ್ಲಿ ನಾಟಿ ಮಾಡಲಾಗುತ್ತದೆ .

ಗೋಡಂಬಿ ಉದ್ಯಮ ಪ್ರಾರಂಬಿಸುವುದು ಹೇಗೆ?

ಕರ್ನಾಟಕಕ್ಕೆ ಶಿಫಾರಸ್ಸು ಮಾಡಿರುವ ಗೋಡಂಬಿ ತಳಿಗಳು :-

ಉಳ್ಳಾಲ -1: ಹೆಚ್ಚು ಇಳುವರಿ ( ಗಿಡಕ್ಕೆ 20 ಕಿ.ಗ್ರಾಂ ) ಕೊಡುವ ತಳಿಯಾಗಿದ್ದು ಹಣ್ಣುಗಳು ಹಳದಿ ಮಿಶ್ರಿತ ಕೆಂಪು ಬಣ್ಣದಿಂದಿರುತ್ತವೆ . ಬೀಜಗಳು ಮಧ್ಯಮ ಗಾತ್ರದ್ದಾಗಿರುತ್ತವೆ . ಟೀ ಸೊಳ್ಳೆಯ ಬಾಧೆಯನ್ನು ತಪ್ಪಿಸಿಕೊಳ್ಳುವ ಗುಣ ಹೊಂದಿದೆ .

ಉಳ್ಳಾಲ -2: ಕಡಿಮೆ ಅವಧಿಯಲ್ಲಿ ಕೊಯ್ದು ಮುಕ್ತಾಯವಾಗುವುದು . ಈ ತಳಿಯು ಸರಾಸರಿ 18.5 ಕಿ.ಗ್ರಾಂ ಇಳುವರಿ ಕೊಡುತ್ತದೆ .

ಉಳ್ಳಾಲ -3: ಬೇಗನೆ ಕೊಯ್ಲಿಗೆ ಬರುವ ತಳಿಯಾಗಿದ್ದು ಸರಾಸರಿ 14.5 ಕಿ.ಗ್ರಾಂ ಇಳುವರಿ ಕೊಡುತ್ತದೆ .

ಚಿಂತಾಮಣಿ -1 : ತಡವಾಗಿ ಹೂ ಬಿಡುವ ಈ ತಳಿ ಹಳದಿ ಬಣ್ಣದ ಹಣ್ಣುಗಳನ್ನು ಹೊಂದಿದ್ದು , ಉತ್ತಮ ಗಾತ್ರದ ಬೀಜಗಳನ್ನು ಹೊಂದಿದೆ . 7.50 ಕಿ.ಗ್ರಾಂ ಇಳುವರಿ ಕೊಡುತ್ತದೆ ( ಬಯಲು ಸೀಮೆಗೆ ) ,

ಧನ : ಇದು ಒಂದು ಸಂಕರಣ ತಳಿ ,

ಭಾಸ್ಕರ : ಈ ತಳಿಯನ್ನು ಪುತ್ತೂರಿನ ರಾಷ್ಟ್ರೀಯ ಗೇರು ಸಂಶೋಧನಾ ಕೇಂದ್ರದವರು ಕರಾವಳಿ ಪ್ರದೇಶಕ್ಕೆ ಸೂಕ್ತವೆಂದು ಬಿಡುಗಡೆ ಮಾಡಿರುತ್ತಾರೆ . ಒಂದು ಮರ ಸರಾಸರಿ ವಾರ್ಷಿಕ ಇಳುವರಿ 10 ಕಿ.ಗ್ರಾಂ ಕೊಡುತ್ತದೆ . ` ಚೀ ‘ ಸೊಳ್ಳೆಗಳ ಬಾಧೆಯನ್ನು ತಪ್ಪಿಸಿಕೊಳ್ಳುವಂತಹ ಗುಣ ಹೊಂದಿದೆ .

ವೆಂಗುರ್ಲಾ -4 : ಇದೊಂದು ಸಂಕರಣ ತಳಿಯಾಗಿದ್ದು ಮರವೊಂದರಿಂದ ಸುಮಾರು 20 ಕಿ.ಗ್ರಾಂ . ಬೀಜದ ಇಳುವರಿ ಪಡೆಯಬಹುದಾಗಿದೆ.

ಗೋಡಂಬಿ ಉದ್ಯಮ ಪ್ರಾರಂಬಿಸುವುದು ಹೇಗೆ?

ನೀರಾವರಿ  : ನಾಟಿ ಮಾಡಿದ ಮೊದಲೆರಡು ವರ್ಷ ಗಿಡಗಳಿಗೆ ನಿಯಮಿತವಾಗಿ ನೀರು ಒದಗಿಸುವುದರಿಂದ ( 10-15 ದಿನಗಳಿಗೊಮ್ಮೆ ಗಿಡಗಳ ಬೆಳವಣಿಗೆ ಉತ್ತಮವಾಗಿರುತ್ತದೆ . ಇದೇ ರೀತಿಯಾಗಿ ಇಳುವರಿ ಪ್ರಾರಂಭವಾದ ನಂತರದ ದಿನಗಳಲ್ಲಿ ಮುಖ್ಯವಾಗಿ ಬೇಸಿಗೆಯಲ್ಲಿ 15 ದಿನಕೊಮ್ಮೆ ನೀರು ಒದಗಿಸುವುದರಿಂದ ಇಳುವರಿ ಚೆನ್ನಾಗಿ ಬರುತ್ತದೆ .

ಗಿಡಗಳಿಗೆ ಆಕಾರ ಕೊಡುವುದು / ಸವರುವಿಕೆ :

ನಾಟಿಯ ನಂತರ ಪ್ರಾರಂಭದ 2 ರಿಂದ 3 ವರ್ಷಗಳಲ್ಲಿ ಭೂಮಿಯಿಂದ 3 ಅಡಿ ಎತ್ತರದವರೆಗೆ ಬರುವ ಎಲ್ಲಾ ಕವಲುಗಳನ್ನು ತೆಗೆಯುವುದರಿಂದ ಗಿಡದ ಬೆಳವಣಿಗೆ ಬಲಿಷ್ಠವಾಗಿ ಗಿಡಕ್ಕೆ ಉತ್ತಮ ಆಕಾರ ದೊರೆಯುವುದು , ಹಳೆ ಗೋಡಂಬಿ ತೋಟದಲ್ಲಿ ಕಂಡು ಬರುವ ಅಡ್ಡಾ – ದಿಡ್ಡಿ ಬೆಳೆದ , ಹೆಚ್ಚು ಒತ್ತಾಗಿ ಬೆಳೆದ ಮತ್ತು ಕೀಟ – ರೋಗದ ಬಾಧೆಗೆ ತುತ್ತಾದ ಗೆಲ್ಲುಗಳನ್ನು ತೆಗೆಯುತ್ತಾ ಇರಬೇಕು . ಇದರಿಂದ ಗಾಳಿ – ಬೆಳಕು ಗಿಡಗಳಿಗೆ ಚೆನ್ನಾಗಿ ದೊರತು ಹೆಚ್ಚಿನ ಇಳುವರಿಗೆ ಸಹಕಾರಿಯಾಗುವುದು .

ಅಂತರ ಬೆಳೆ : ನಾಟಿ ಮಾಡಿದ ನಂತರದ ಪ್ರಾರಂಭಿಕ ವರ್ಷಗಳಲ್ಲಿ ಗಿಡಗಳು ನೇರವಾಗಿ ಬೆಳೆಯಲು ಕೆಳಗಿನ ರೆಂಬೆಗಳನ್ನು ತೆಗೆದು , ಸ್ಥಳೀಯ ಹವಾಗುಣ ಮತ್ತು ಭೂ ಗುಣ ಗಳಿಗೆ ಸೂಕ್ತವಾದ ತರಕಾರಿಗಳಾದ ಹುರುಳಿ , ಬಟಾಣಿ , ಶೇಂಗಾ , ಗೆಣಸು , ಶುಂಠಿ ಮತ್ತು ಉದ್ದು ಬೆಳೆಗಳನ್ನು ಪ್ರಾರಂಭಿಕ 4 ವರ್ಷಗಳಲ್ಲಿ ಆದಾಯ ಪಡೆಯಲು ಬೆಳೆಯಬಹುದು . ಅಲ್ಲದೇ , ಮರಗಳು ದೊಡ್ಡದಾದ ಮೇಲೆ ಕರಿಮೆಣಸು ಮತ್ತು ವೆನಿಲ್ಲಾ ಬಳ್ಳಿಗಳನ್ನು ಮಿಶ್ರ ಬೆಳೆಯಾಗಿ ಬೆಳೆಯಬಹುದು ,

ಕೊಯ್ಲು ಮತ್ತು ಇಳುವರಿ : ನಾಟಿ ಮಾಡಿದ ಮೂರನೇ ವರ್ಷದಿಂದ ಇಳುವರಿ ಪ್ರಾರಂಭಗೊಂಡು ಸುಮಾರು 8-10 ವರ್ಷದ ಪ್ರತಿ ಮರದಿಂದ ವರ್ಷವೊಂದಕ್ಕೆ ಸರಾಸರಿ 8-10 ಕಿ.ಗ್ರಾಂ ಗೇರು ಬೀಜವನ್ನು ಯಬಹುದು . ಪ್ರತಿ ಹೆಕ್ಟೇರಿಗೆ 1.5 ರಿಂದ 1.7 ಟನ್  ಗೋಡಂಬಿ ಬೀಜ ಪಡೆಯಬಹುದು . ಬಿದ್ದ ಹಣ್ಣುಗಳಿಂದ ಬೀಜಗಳನ್ನು ಬಿಡಿಸಿ , ಎರಡರಿಂದ ಮೂರು ದಿವಸ ಬಿಸಿಲಿನಲ್ಲಿ ಒಣಗಿಸಿ , ಸಂಗ್ರಹಣೆ ಮಾಡುವುದು ಸೂಕ್ತ .

ಗೋಡಂಬಿ ಉದ್ಯಮ ಪ್ರಾರಂಬಿಸುವುದು ಹೇಗೆ?

Vermiculture Business Ideas In Kannada | ಎರೆಹುಳು ಗೊಬ್ಬರವನ್ನು ತಯಾರಿಸುವ ಬ್ಯುಸಿನೆಸ್ ಐಡಿಯಾ

RELATED ARTICLES

Most Popular

Recent Comments